地王觀光·深港之窗 | 簡介
地王大廈位於深圳羅湖區，特色係可以係300米高空360度盡覽深圳全景，仲會睇到香港天水圍同元朗，係個睇深圳夜景嘅好去處。而且係羅湖，近香港容易去。比起其他睇深圳夜景嘅地方，呢度比較少人去，幾靜，當日到訪，同場得幾個人，其中一個係攝影師專登上嚟影相。夜晚想靜靜地同朋友/伴侶傾吓計飲吓野，可以上呢度試吓。呢度有間小食部賣快餐、小食同飲品，文章最下面有餐牌可以參考吓~
地王觀光·深港之窗 | 交通
去地王大廈從羅湖口岸去最近，因為位於老街和大劇院交界，可以從地鐵「大劇院站」 C 或 D 出口步行 5 分鐘過去，從羅湖口岸搭地鐵 1 號線 3 個站就到「大劇院站」，車程 5 分鐘。
如果只係想睇夜景，上午唔知去邊好，可以去東門電玩城，掃街食野，再去文和友打卡影相，夜晚先過去地王大廈69樓睇夜景。由東門步行去地王大廈都只係 15 分鐘~
地王觀光·深港之窗 | 基本資料
地址﹕深圳羅湖區深南東路5002號地王大廈69樓
門票﹕成人 ¥89/位；身高1.2-1.5米兒童及65-69歲長者 ¥45/位；身高1.2米以下兒童及70歲以上長者免費
<如果有買廣東旅遊年卡，可以免費入場，森淼都係因為買左廣東旅遊年卡先知有呢個景點，仲可以免費入去。有興趣知多少少年卡資料可以睇下面文章>
營業時間﹕08:00 – 22:30 (22:00 後停止售票)
地王觀光·深港之窗 | 遊記
入咗地王大廈之後，門口嘅左手邊就係門票部，除咗買門票，門票部同時有觀景層餐廳「蘭桂芳」嘅優惠卷可以拎，上69樓要先去40樓轉𨋢，上到去見到有導覽圖拎~
入咗閘之後，首先會見到鄧小平同戴卓爾夫人嘅蠟像，重現鄧小平在人民大會堂福建廳會見戴卓爾夫人（Margaret Thatcher）嘅情景~
睇完蠟像之後就開始睇夜景之旅，圍住地王大廈行一圈，多角度咁睇深圳全景同某部份香港天水圍~
下圖係導覽圖，標示咗窗口出面見到咩建築同咩區域~
下圖係見到羅湖口岸同埋香港嘅角度圖~
下圖係高瞰東門，見唔見到東門間麥當勞🤣
行左半個圈，會見到深圳東嘅景色~
除咗睇夜景，牆壁印哂香港嘅發展歷史~
好多香港舊照片~
行行吓見到有個觀影廳，不過似乎係無片睇嘅，官網無講幾時幾點會播影片~
行到中後段，有香港同深圳著名景點嘅微景睇，例如香港珍寶海鮮舫同天壇大佛，深圳嘅弘法寺等等~
行左一圈之後，會見到有間叫「蘭桂芳」的小食部，有少量主食、港式小食、手搖飲品、雪糕、咖啡等等，價錢 ¥10 – 30到。呢度既坐位都可以一邊睇風景一邊食野，夜晚上黎無咩人，係度飲下野，同朋友/ 伴侶係醉人夜景下傾下計，都幾有氣氛~
行左一圈之後，會見到有間叫「蘭桂芳」的小食部，有少量主食、港式小食、手搖飲品、雪糕、咖啡等等，價錢 ¥10 – 30到。呢度既坐位都可以一邊睇風景一邊食野，夜晚上黎無咩人，係度飲下野，同朋友/ 伴侶係醉人夜景下傾下計，都幾有氣氛~
估唔到呢度有個「空中郵局」，可以寄明信片，單張明信片價錢 ¥5，全套明信片 ¥25，郵票(國內) ¥1.2/張，郵票(國外) ¥4.5/張~
仲有地王大廈紀念幣，¥30-38/ 個~
下圖呢個「趣味生態」區就好無聊嘅，得幾隻假動物模型~
有個地王大廈模型打卡位~
地王觀光·深港之窗 | 餐飲
行左一圈之後，會見到有間叫「蘭桂芳」的小食部，有少量主食、港式小食、手搖飲品、雪糕、咖啡等等，價錢 ¥10 – 30到。呢度既坐位都可以一邊睇風景一邊食野，夜晚上黎無咩人，係度飲下野，同朋友/ 伴侶係醉人夜景下傾下計，都幾有氣氛~
座位望出去既夜景幾靚架，右手邊既對面好似係香港天水圍~
