深圳親子酒店推介2024｜深圳親子民宿｜好多香港家庭係禮拜五六日都會嚟個快閃深圳Staycation，大人減壓之餘仲可以帶啲開心回憶比小朋友！呢度會詳列唔同類型嘅親子酒店，無論想玩咩都可以搵到，有近海近沙灘、山中民宿、免費兒童樂園、酒店兒童滑梯泳池、近滑雪+海洋館、近主題公園等等，總有一間啱心水！
深圳親子酒店推介｜懶人比較表📋
| 親子酒店 | 特色 | 地鐵站 | Trip評分 | 價錢 | 預訂 | |
|---|---|---|---|---|---|---|
| 1 | 苫也·深圳不若林度假民宿 | 半山荔枝林景觀｜格子早餐套餐｜近大鵬南澳 | 附近無地鐵站 | 4.9/5.0 | $1,128起 | 預訂 |
| 2 | 深圳國際會展中心洲際酒店 | 酒店兒童PlayHouse｜精緻自助早餐｜任點任食粵菜｜兒童主題房 | 國展北站A出口12分鐘 | 4.8/5.0 | $875起 | 預訂 |
| 3 | 深圳大梅沙京基洲際度假酒店 | 酒店兒童PlayHouse｜海景露台｜小童泳池泡泡表演+水上滑梯｜近沙灘｜兒童每日活動 | 大梅沙站B出口12分鐘 | 4.7/5.0 | $1,839起 | 預訂 |
| 4 | 深圳硬石酒店 | 卡魯冰雪世界｜海洋館｜動植物園｜手藝工場｜卡丁車｜騎馬｜保齡球｜戲院｜彈床｜兒童PlayHouse｜兒童烘焙｜兒童主題房 | 觀瀾湖站D出口5分鐘 | 4.7/5.0 | $878起 | 預訂 |
| 5 | 桔釣沙萊華度假酒店 | 酒店兒童PlayHouse｜桔釣沙私人天然海灘｜手工製作｜近大鵬南澳 | 附近無地鐵站 | 4.7/5.0 | $1,436起 | 預訂 |
| 6 | 深圳浪騎瞻雲度假酒店 | 酒店兒童PlayHouse｜桔釣沙天然海灘｜海上活動｜KTV｜卡丁車｜小火車｜泳池｜兒童主題房｜近大鵬南澳 | 附近無地鐵站 | 4.7/5.0 | $887 起 | 預訂 |
| 7 | 深圳美高梅酒店 | 酒店兒童PlayHouse｜近沙灘｜海景露台｜兒童滑梯泳池｜露天兒童公園｜馬戲｜魔術｜小丑表演｜火舞｜兒童主題房 | 小梅沙站C出口7分鐘 | 4.7/5.0 | $2,057起 | 預訂 |
| 8 | 深圳華僑城洲際大酒店 | 酒店兒童PlayHouse｜酒店私人白沙灘｜酒店兒童水上樂園｜兒童泳池｜近錦繡中華民俗村｜近歡樂谷｜近世界之窗｜兒童主題房 | 華僑城站C出口1分鐘 | 4.7/5.0 | $1,527 起 | 預訂 |
| 9 | 深圳憬居酒店 | 兒童PlayHouse｜地鐵站直上酒店｜小童圖畫遊玩書館｜免費自助宵夜｜兒童主題房｜房內滑梯 | 景田站B出口1分鐘 | 4.7/5.0 | $494起 | 預訂 |
| 10 | 空與海美宿 | 超近海｜兒童主題房｜房內滑梯 | 附近無地鐵站 | 4.7/5.0 | $947起 | 預訂 |
| 11 | 深圳佳兆業萬豪酒店 | 酒店兒童PlayHouse｜近中信金沙灣水世界｜私人沙灘｜萌寵樂園｜迷你戲院｜DIY手工｜兒童主題房｜近大鵬南澳 | 附近無地鐵站 | 4.6/5.0 | $1,094起 | 預訂 |
| 12 | 深圳龍崗珠江皇冠假日酒店 | 親子餐廳樂園｜兒童圖書館｜手工藝作坊｜送兒童入住禮包同零食套裝｜近3個商場｜近紅立方科技館 | 盛平站B出口15分鐘 | 4.6/5.0 | $769 起 | 預訂 |
| 13 | 深圳益田威斯汀酒店 | 酒店對面就係主題樂園「世界之窗」｜近錦繡中華民俗村｜近歡樂谷｜兒童主題房｜酒店直通益田假日廣場｜世界之窗景觀房可以望到世界之窗 | 世界之窗站A出口2分鐘 | 4.6/5.0 | $879起 | 預訂 |
| 14 | 偏方·山海原著度假美宿 | 360度海景房｜近大鵬南澳 | 附近無地鐵站 | 4.5/5.0 | $359起 | 預訂 |
| 15 | 深圳觀瀾湖度假酒店 | 卡魯冰雪世界｜海洋館｜動植物園｜手藝工場｜卡丁車｜騎馬｜保齡球｜戲院｜彈床｜兒童PlayHouse｜兒童泳池｜兒童主題房 | 觀瀾湖站D出口轉乘園內免費穿梭巴士 | 4.4/5.0 | $887起 | 預訂 |
| 16 | 深圳小涼帽之家酒店 | 免費景區甘坑古鎮入面｜小涼帽農場｜彩繪DIY草帽｜活字印刷｜花草書簽｜詩詞貼畫｜V谷樂園玩VR遊戲｜兒童主題房｜房內滑梯 | 甘坑地鐵站C出口20分鐘 | 4.2/5.0 | $570起 | 預訂 |
| 17 | 非遺文化村（大鵬所城店） | 私人小院子可燒烤｜大鵬所城隔離｜村裡有人彈古琴 | 附近無地鐵站 | 4.0/5.0 | $348起 | 預訂 |
🔍簡介：深圳國際會展中心洲際酒店位置好近深中通道，自駕去呢度好方便，有免費停車場。呢間酒店除咗基本嘅兒童PlayHouse，佢個親子主題房靚到得深圳硬石酒店可以同佢比較到 (上面影片係「伊敦親子套房」)。如果入住，一定要試吓自助早餐個温泉蛋，非常好味！仲有必試酒店入面嘅彩豐樓中餐廳，任點任食粵菜，出面比較少有，而且味道好好！
🏨酒店套票：Klook $875起有洲際豪華客房（含兩份咖啡蛋糕+樂園親子項目+室內恆温泳池+健身房等）<<按此預訂>>
📍地址：福園二路93號會展灣東城廣場二期7棟101, 寶安區, 深圳 (地圖)
🗓️開業年份：2023
🚈交通：國展北地鐵站 A 出口步行距離810米（約12分鐘），建議打車。
🕘入住時間：14:00後
🕘退房時間：12:00前
💰房價：港幣$875起
✏️Trip 評分：4.8/5.0
深圳國際會展中心洲際酒店短片
🔍簡介：深圳硬石酒店（Hard Rock Hotel Shenzhen）係間搖滾音樂風格酒店，裡面有好多國際藝人嘅藝術品，例如Lady GaGa嘅演出衣服。硬石酒店位於觀瀾湖，深圳觀瀾湖係深圳親子好去處 TOP 1，因為週邊配套非常齊全，裡面有卡魯冰雪世界可以玩雪，仲有海洋館、動植物園、手藝工場、卡丁車等等，而觀瀾湖新城 (MH Mall)更有大量餐廳同兒童玩樂設施，例如騎馬、保齡球、戲院、彈床滑梯等等，簡直係小朋友天堂！深圳硬石酒店可以步行前往上述所有景點，超級方便！
🏨酒店套票：最平係Klook， $878起有豪華房1間1晚（含2大1小自助早餐+健身房+Roxity俱樂部+頂樓泳池+音樂藏品之旅打卡等）<<按此預訂>>
📍地址：觀瀾高爾夫大道9號, 龍華區, 深圳 (地圖)
🗓️開業年份：2017
🚈交通：觀瀾湖站 D 出口步行 5 分鐘
🕘入住時間：15:00後
🕘退房時間：12:00前
💰房價：港幣$878起
✏️Trip 評分：4.7/5.0
👇🏻深圳觀瀾湖攻略大全！到底果度有咩玩？👇🏻
🔍簡介：深圳觀瀾湖度假酒店（Mission Hills Resorts Shenzhen）同硬石酒店一樣，都係位於觀瀾湖，只不過位置無硬石酒店咁方便，優勝之處係度假氛圍較好，有個超大泳池，酒店內好多兒童設施，例如波波池、滑梯、積木桌，唔出酒店範圍都可以有嘢玩。同硬石酒店一樣，週邊配套非常齊全，有卡魯冰雪世界可以玩雪，仲有海洋館、動植物園、手藝工場、卡丁車等等。
🏨酒店套票：Klook $887 起有高級豪華房1間1晚 （含2大1小精美早餐+免費享用迷你吧+泳池+視房態免費升級房型一級等）<<按此預訂>>
📍地址：龍華新區觀瀾高爾夫大道1號, 龍華區, 深圳, 518110 (地圖)
🗓️開業年份：1994 (2012裝修)
🚈交通：觀瀾湖站 D 出口轉乘園內免費穿梭巴士
🕘入住時間：15:00後
🕘退房時間：12:00前
💰房價：港幣$887起
✏️Trip 評分：4.4/5.0
🔍簡介：深圳美高梅酒店 (MGM Hotel Shenzhen) 係2024年新酒店，係Trip.com榜上「深圳豪華酒店第1名」，每間房都有無敵海景露台，仲有海洋主題親子房、兒童滑梯泳池、露天兒童公園同PlayHouse！除咗海景同豪華裝修，酒店特色係夜晚有源自拉斯維加斯嘅美高梅娛樂精神代表「M秀」，有精彩馬戲、魔術互動、小丑表演、火舞等等！
🏨酒店套票：Trip.com $2,057 起有豪華海景大床房1間1晚+2份精美早餐+憑房卡無限次進出小梅沙度假村+晚間M秀或晚間主題派對（視開放情況而定）+鉑爵跟拍<<按此預訂>>
📍地址：鹽梅路33號, 鹽田區, 深圳 (地圖)
🗓️開業年份：2024
🚈交通：小梅沙地鐵站 C 出口步行距離450米（約7分鐘）
🕘入住時間：15:00後
🕘退房時間：12:00前
💰房價：港幣$2,057起
✏️Trip 評分：4.7/5.0
🔍簡介：深圳華僑城洲際大酒店門口就係地鐵站，除咗本身酒店裡面嘅兒童PlayHouse、私人白沙灘、兒童水上樂園同超大泳池，酒店嘅位置亦非常近錦繡中華民俗村、歡樂谷同世界之窗，行去錦繡中華民俗村只係 3 分鐘，行去歡樂谷同世界之窗就 10 分鐘！想行商場的話，酒店好近歡樂海岸。最值得讚賞係房間樓層有電梯直通兒童水上樂園，玩完上樓沖洗唔洗經大堂，避免咗披住毛巾到處遊蕩嘅尷尬。酒店嘅室內外兒童PlayHouse「奇趣烏托邦」有成5000㎡，係酒店都可以玩一日，酒店【奇趣烏托邦套餐】套票有包兒童PlayHouse，注意PlayHouse週一週二閉園清潔。
🏨酒店套票：Klook $1,527 起洲際豪華房1間1晚（含海洋奇夢館2大1小門票+華僑城國家濕地公園2大1小免預約入園等）<<按此預訂>>
📍地址：華僑城深南大道9009號, 南山區, 深圳, 518053 (地圖)
🗓️開業年份：2006 (2015裝修)
🚈交通：華僑城站C出口步行距離<100米（約1分鐘）
🕘入住時間：15:00後
🕘退房時間：12:00前
💰房價：港幣$1,527起
✏️Trip 評分：4.7/5.0
▼ 酒店露天泳池旁嘅真沙白沙灘！
▼ 酒店嘅室內外兒童PlayHouse「奇趣烏托邦」有成5000㎡，係酒店都可以玩一日，酒店【奇趣烏托邦套餐】套票有包兒童PlayHouse，注意PlayHouse週一週二閉園清潔。
▼ 酒店有免費室外兒童水上樂園！
▼ 露天泳池亦都好大！
▼ 酒店餐廳係海洋主題，好夢幻！
🔍簡介：深圳龍崗珠江皇冠假日酒店最大特色係酒店有個2024年6月新開嘅大兒童Playhouse「皇冠家族親子餐廳樂園」，Playhouse同餐廳係互通嘅，玩完行幾步就有嘢食，個Playhouse酒店套票有包，如訂淨房需另買門票！除咗Playhouse之外，仲有兒童圖書館同手工藝作坊，想玩水有個室內游泳池。入住時仲會送兒童入住禮包同零食套裝，相信小朋友未入住已經好開心！酒店位置可以步行去寶能·all city購物中心，亦好近龍城萬科里、萬科廣場、紅立方科技館，但唔近地鐵站，建議打車去。
🏨酒店套票：Klook $769 起有高級房1間1晚，限量免升親子房（含兩大一小自助早餐+皇冠家族親子營家庭套餐+兒童特色零食+兒童入住禮包+首日歡迎小食+定製款公仔積木等）<<按此預訂>>
📍地址：龍崗中心城龍翔大道9009號珠江廣場, 龍崗區, 深圳, 518172 (地圖)
🗓️開業年份：2011 (2021裝修)
🚈交通：盛平站B出口步行距離1.0公里（約15分鐘）｜龍城廣場站D出口步行距離1.2公里（約17分鐘）
🕘入住時間：14:00後
🕘退房時間：12:00前
💰房價：港幣$769起
✏️Trip 評分：4.6/5.0
🔍簡介：深圳憬居酒店可以係地鐵站直上酒店，負一樓就可以通往2號線9號線，全程室內唔怕落雨，而行李多想打車嘅，從酒店打車到福田口岸只需20元人民幣！憬居酒店適合親子遊，酒店樓下1樓有一日任玩嘅playhouse兒童探索館，住客刷房卡入去買飛就得，而且住客有九折優惠，非住客係要預約。2樓有小童圖畫遊玩書館，住客可以免費入場。而且28樓酒店大堂景觀開揚，入住仲送歡迎水果、免費自助宵夜同免費迷你吧！
🏨酒店套票：Klook $695 起有高級房1晚（含2大1小自助早餐+迷你吧+兒童圖畫書館入場券）<<按此預訂>>
📍地址：蓮花街道景華社區景田路78號婦兒大廈28樓, 福田區, 深圳 (地圖)
🗓️開業年份：2023
🚈交通：景田地鐵站B出口步行距離<100米（約1分鐘）
🕘入住時間：14:00後
🕘退房時間：12:00前
💰房價：港幣$494起
✏️Trip 評分：4.7/5.0
🔍簡介：深圳小涼帽之家酒店（Little Hakka Hotel）直情喺免費景區甘坑古鎮入面，行出酒店就係為小朋友而設嘅小涼帽農場，可以玩彩繪DIY草帽、活字印刷、花草書簽、詩詞貼畫，仲有個V谷樂園玩VR遊戲，古鎮有「喜夾」夾公仔店，森淼親身試過幾易夾架，小朋友喺古鎮入面慢慢玩都可以玩2日。小涼帽之家酒店內更有繪本遊戲室同室外泳池，仲有房內有滑梯嘅親子套房，酒店內外都大把嘢玩！
🏨酒店套票：Trip.com $570 起有滑滑梯遊戲房1間1晚（含雙人早餐+雙人精選下午茶1份+預約攝影30分鐘 <<按此預訂>>
📍地址：吉華街道甘坑古鎮甘李路18號14號樓, 龍崗區, 深圳 (地圖)
🗓️開業年份：2018 (2019裝修)
🚈交通：甘坑地鐵站C出口步行距離1.4公里（約20分鐘），建議打車
🕘入住時間：14:00後
🕘退房時間：12:00前
💰房價：港幣$570起
✏️Trip 評分：4.2/5.0
🔍簡介：桔釣沙萊華度假酒店最大嘅賣點，係有個酒店住客專享嘅 1 公里桔釣沙私人天然海灘，人少景靚。桔釣沙的沙灘出了名係「深圳最美沙灘」，水清沙幼，又長又平坦，可能比泰國的沙灘更美，係個玩水玩沙的好去處。小朋友可以游水玩沙，大人可以玩水上活動如乘船出海/ 皮划艇/漿板，仲可以邊吃下午茶邊玩，非常 Chill！酒店套票會送 100 個遊戲幣去玩「奇妙世界項目」，分別有鯨魚大滑梯、潛艇通道、海馬鞦韆、波波球池、兒童攀岩、兒童蹦床、手工製作，入住的第一天要用，去負一樓玩。
🏨酒店套票：Klook $1,436 起有豪華園景客房1晚 （含雙人自助早餐+雙人下午茶/雙人小帆船皮划艇+奇妙世界項目+迷你吧+雙人精美旅拍等）<<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：南澳街道新東路28號, 大鵬新區, 深圳 (地圖)
🗓️開業年份：2017
🚈交通：附近無地鐵站，建議從蓮塘口岸打車。
🕘入住時間：15:00後
🕘退房時間：12:00前
💰房價：港幣$1,436起
✏️Trip 評分：4.7/5.0
🔍簡介：深圳浪騎瞻雲度假酒店都係位於桔釣沙，喺桔釣沙萊華度假酒店隔離，酒店嘅兒童設施好多，例如PlayHouse、主題親子房、海上活動、KTV、卡丁車、小火車、泳池，小朋友除咗可以去「深圳最美沙灘」玩沙游水，喺酒店內外都可以玩一日！
🏨酒店套票：Trip.com $887 起有高級海景房1間1晚+2份精美早餐+首日迷你吧+一大一小小童樂園門票+精美旅拍5張 <<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：南澳街道東山社區新東路88號, 大鵬新區, 深圳 (地圖)
🗓️開業年份：2020
🚈交通：附近無地鐵站，建議從蓮塘口岸打車。
🕘入住時間：15:00後
🕘退房時間：12:00前
💰房價：港幣$887起
✏️Trip 評分：4.7/5.0
🔍簡介：深圳佳兆業萬豪酒店除咗可以行去中信金沙灣水世界之外，酒店有一大片私人沙灘，可以望到東平州。酒店入面仲有免費兒童Playhouse、室內恆温和户外露天泳池、鵬鵬俱樂部、粉紅沙灘、萌寵樂園、DIY手工、迷你戲院、主題親子房！
🏨酒店套票：Klook $1,094 起有豪華園景房1間1晚（含雙人自助早餐+室內兒童樂園+室內外泳池+旅拍體驗等）<<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：棕櫚大道33號, 大鵬新區, 深圳 (地圖)
🗓️開業年份：2017
🚈交通：附近無地鐵站，建議從蓮塘口岸打車。
🕘入住時間：15:00後
🕘退房時間：12:00前
💰房價：港幣$1,094起
✏️Trip 評分：4.6/5.0
🔍簡介：深圳大梅沙京基洲際度假酒店特色係全部房都有個露台可以望到海景！除咗酒店主樓果個望海大游泳池，小童泳池每日都有兩場吹泡泡表演，氣氛唔錯。酒店出面就係沙灘，更有兒童PlayHouse，戶外花園有旋轉木馬同小火車。
🏨酒店套票：Klook $1,839 起有豪華海景房1晚（含雙人自助早餐+大堂吧隨行下午茶1套+室內外泳池水上滑梯+免費暢玩兒童樂園及大梅沙趣趣島每日活動等)<<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：大梅沙鹽葵路 (大梅沙段) 9號, 鹽田區, 深圳, 510803 (地圖)
🗓️開業年份：2007 (2020裝修)
🚈交通：大梅沙地鐵站B出口步行距離810米（約12分鐘），建議打車
🕘入住時間：15:00後
🕘退房時間：12:00前
💰房價：港幣$1,839起
✏️Trip 評分：4.7/5.0
🔍簡介：空與海美宿全間民宿得4間房，特色係超近海，所有房都有近距離海景，仲有房內滑梯嘅親子房，好有度假感！入住房內就有準備好嘅水果盤，可以夜晚睇戲食。早餐會送上房內用餐，望住個海聽住海浪聲食早餐好chill！沐浴露和洗頭水都高質，係L’Occitane 牌，仲有智能客控可以控制燈光暗、開關窗簾同播音樂等！
🏨酒店套票：Trip.com $1,122起有北歐海景小童滑梯房+ 2份精美早餐<<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：南澳街道水頭沙社區銀沙路3號10號, 龍崗區, 深圳 (地圖)
🗓️開業年份：2023
🚈交通：附近無地鐵站，建議打車。
🕘入住時間：14:00後
🕘退房時間：12:00前
💰房價：港幣$947起
✏️Trip 評分：4.7/5.0
深圳親子酒店｜偏方·山海原著度假美宿
深圳親子酒店｜苫也·深圳不若林度假民宿
🔍簡介：深圳苫也·不若林民宿位於大鵬南澳濱海半山荔枝林中，融入自然的設計和山林的寧靜，使其成為遠離喧囂、療愈身心的好去處~民宿的格子早餐套餐、歡迎水果、晚安甜湯，配件方面的 Dyson 風筒、Marshall 音響、Parma 洗潄用品，都增添了住宿的舒適感，環境和配套都很無敵~另外，管家服務也是好評如潮，到步管家就在門口等候，全程引導，幫忙拿行李，服務非常好！如果真的要挑剔，就是這間不近南澳的海岸線，如果要近海，選藍白聖島懸崖泡池美宿比較好~
🏨酒店套票：Trip.com $1,128起有柏露·山景露台大床房一晚+雙人精緻下午茶 1份 + 尊享 Mini Bar 1份 + 晚安甜湯 1份 + 歡迎水果 1份+攝影師美拍30分鐘& 5 張精修 1份 + 伴手禮 1份 <<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：南澳街道南隆社區濱海南路12號1棟, 大鵬新區, 深圳 (地圖)
🗓️開業年份：2022
🚈交通：附近無地鐵站，建議打車。
🕘入住時間：14:00後
🕘退房時間：12:00前
💰房價：港幣$1,128起
✏️Trip 評分：4.9/5.0
🔍簡介：深圳益田威斯汀酒店最大嘅賣點就係好近世界之窗地鐵站，只需步行2分鐘，而且酒店對面就係主題樂園「世界之窗」，行5分鐘到，再搭多一個地鐵站係錦繡中華民俗村。世界之窗景觀房可以望到世界之窗。而酒店係益田假日廣場裡面，呢個商場裡面有個「木育森林」木製遊樂體驗館，主題係童話森林，有近60種遊樂設施。以差唔多嘅酒店位置嚟講，個人覺得深圳華僑城洲際大酒店比較吸引。
🏨酒店套票：Trip.com $879 起有豪華房一晚 + 200元天夢水療代金券 +露天泳池 + 浴缸 <<按此預訂>>
📍地址：深南大道9028-2號, 南山區, 深圳, 518053 (地圖)
🗓️開業年份：2010 (2016裝修)
🚈交通：世界之窗地鐵站A出口步行距離100米（約2分鐘）
🕘入住時間：15:00後
🕘退房時間：12:00前
💰房價：港幣$879起
✏️Trip 評分：4.6/5.0
深圳親子酒店｜非遺文化村（大鵬所城店）
🔍簡介：非遺文化村位於大鵬所城的東北村 (大鵬所城建於洪武二十七年，自古是軍事要塞)，主打體驗古代生活，強調家人間的相處。每間房門口都有私人小院子，可以與家人吃飯，喝茶，賞月，非常寫意，適合兩家人一起出遊，尤其是在中秋佳節，房間只是 $348起！小朋友們可以在院子裏自由奔跑玩耍，大人喝茶/打麻將/玩啤牌，還可以租個燒烤爐邊吃玩，燒烤食材可以外賣也可以自帶，豐儉由人~不燒烤的話也可到民宿餐廳品嚐傳統客家菜，用客家風味茶具品茶~村裡還會有人彈古琴，夜晚的時候村子很寧靜，只聽到蛙鳴，彷彿穿越到古代了~
🏨酒店套票：Trip.com $348 起有八正院雙床房+2份早餐 <<按此預訂>>
🌿附近景點﹕歡迎睇睇文尾嘅南澳大鵬景點地圖🗺️
📍地址：大鵬街道鵬飛路東村2號, 大鵬新區, 深圳, 518000 (地圖)
🗓️開業年份：2011 (2015裝修)
🚈交通：附近無地鐵站，建議打車。
🕘入住時間：14:00後
🕘退房時間：12:00前
💰房價：港幣$348起
✏️Trip 評分：4.0/5.0
深圳親子酒店｜南澳大鵬景點地圖🗺️
👇🏻上面嘅親子酒店都未有啱心水？不妨睇埋下列近羅湖同福田口岸嘅酒店，主打方便回港同價錢實惠！👇🏻
