深圳婦兒大廈係一幢🌈繽紛彩虹色建築，專為12歲以下嘅小朋友同家長而設，裡面有兒童探索館、圖畫書博物館、婦兒劇場同藝廊空間等等嘅設施，同場亦有好多餐廳，例如Pizza店、順德菜、西餐廳、麵包店、泰國菜，係個一站式小朋友放電好去處。
兒童探索館係要收費同預約，人民幣149元（1大1小），額外成人費用人民幣50元，可以從早上10:00玩到晚上20:00，期間可以無限次出入，出去食完飯再入返去繼續玩都得！兒童探索館全館有上下兩層，面積約4000平方米，有六大特色主題展覽區，上百種互動展示，設施嘅設計都希望小朋友喺玩樂時可以學到唔同嘅科學知識、大自然現象同社會運作，寓教於樂！
▼ 深圳婦兒大廈嘅露天廣場有時會有市集仔~
深圳婦兒大廈兒童探索館｜資料
🏨附近酒店﹕深圳婦兒大廈入面有間親子酒店叫「深圳憬居酒店」，酒店套票有包兒童圖畫書館入場券，但無包兒童探索館，酒店住客有兒童探索館門票9折兼唔駛預約，住客刷房卡入去買飛就得。【查看酒店套票】
🌿附近景點﹕可步行17分鐘到蓮花山公園
📍地點：深圳婦兒大廈 1 樓兒童探索館
⏰營業時間：10:00-20:00 (週一閉館清潔)
🎫門票：入館實行預約制，需至少提前1天在線上預約，可搜索微信小程序【深圳婦兒大廈】購票預約，但只能買一大一小門票；人民幣149元（1大1小），額外成人費用人民幣50元。
🚇地鐵：景田站 B 出口步行 2 分鐘。
🚗自駕：深圳婦兒大廈停車場，第一小時10元，第二小時開始5元/時，當天封頂60元。
🚾洗手間：樂園二樓
⚠️注意：家長同小朋友都需要全程穿著防滑襪入館，可自備有防滑膠底嘅防滑襪或喺前臺諮詢購買，5元一雙。
深圳婦兒大廈兒童探索館｜我們的自然世界
小朋友可以探索沙漠、雨林、北極等唔同氣候區域，走進森林區域空間，喺巨大樹屋裡面由 1 樓爬上 2 樓。
▼巨大樹屋 1 樓入 2 樓出。
深圳婦兒大廈兒童探索館｜活力城市
活力城市係俾小朋友體驗工作嘅地方😂例如可以扮演漁夫、消防員、獸醫、腸粉店廚師、鐵路維修員等等。另外仲有汽車設計體驗、樂高區同攀爬區。
▼利用小球、絲巾觀察管道路徑。
深圳婦兒大廈兒童探索館｜水的故事
小朋友們可以化身漁民，駕駛漁船出海捕魚同埋喺船上裝卸貨物等。
深圳婦兒大廈兒童探索館｜我們的身體
呢度可以睇到平時睇唔到嘅放大版人體器官模型，小朋友可以鑽入腸道或者鼻孔裡面，觀察器官內部構造。另外仲有體能鍛鍊空間，可以玩跳遠、跳高、跑步、平衡等等。
深圳婦兒大廈兒童探索館｜親親寶貝
這裏主要為3歲以下幼兒打造的封閉安全空間，小寶寶們可以在裏面自由穿梭、滑行，嬉鬧。此區設有母嬰室。
深圳婦兒大廈兒童探索館｜感官小屋
感官小屋係以燈光設計為主嘅體驗遊玩區，小朋友可以體驗管道泡泡、美麗光纖、繩網籃球等。鍛鍊多種感官能力，滿足孩子們的好奇心。
深圳婦兒大廈｜圖畫書博物館
喺 2 樓嘅深圳首家圖畫書博物館，整體設計以「樹」🌳為造型，面積1500平米，圖畫書手稿、文稿、畫稿和繪本藏品高達400餘件，仲有出版物3000餘冊，大部分都很適合低齡寶寶！
⏰營業時間：10:30-18:00（週一閉館）
深圳婦兒大廈｜婦兒劇場
深圳婦兒大廈 3 樓婦兒劇場一張門票 ¥80 – 200，以「小紅帽」為例，演出時間係45分鐘，可以係微信搜索「婦兒劇場」睇近排有咩劇場。
深圳婦兒大廈｜餐廳
深圳婦兒大廈裡面有好幾間餐廳，全部都係小朋友啱食嘅，想多啲選擇都可以去出面街食，深圳婦兒大廈附近都好多餐廳。
