【福田口岸交通】香港來往福田口岸巴士+小巴路線·車費·時間表
香港去福田口岸有咩交通選擇？除咗搭東鐵線去落馬洲地鐵站，可以係元朗同天水圍搭巴士或小巴。福田口岸出境同入境都係同一位置，出/入境之後有巴士去元朗同天水圍，而小巴就去元朗同新田，如果係元朗上車去福田口岸，搭小巴會平過巴士。不過福田口岸開放時間係06:30-22:30，夜晚小巴會早過巴士收。
福田口岸既小巴來往元朗同新田，新田去福田口岸屬於短線，去元朗屬於長線，設有分段收費。
通常搭新田短線既人都係自駕人士去新田停車場拎車，所以元朗長線會較多人搭~
如果係最後一批22:30福田口岸關門時出境既朋友，可能未必上到小巴，因為營運時間比巴士短 (如出境人數多，巴士22:30後都有車，小巴準時收檔)，到時自駕人士就要搭B1巴士係皇崗車站附近落車再行去新田停車場拎車。
