![深圳布吉美食_華三爺干拌麵](https://sumiutravel.com/wp-content/uploads/2024/05/深圳布吉美食_華三爺干拌麵.jpeg)
是次用餐嘅呢間小店位於深圳布吉站,主打招牌18秒爆炒豬潤拌麵,好有鑊氣,食落去味道非常港式,但係香港又未食過,可能係大陸獨有既。之前係香港食豬潤麵都係湯麵,例如最出名嘅深水埗維記咖啡粉麵,都係用薑湯整。因為香港無得食,又咁好味,真係值得去試吓架!而且¥16.8除咗有碗爆炒豬潤拌麵之外,仲有自助吧台可以任拿紫菜蝦皮湯同埋前菜,加¥2有埋任飲汽水,性價比係非常高嘅!
交通方面,可以搭地鐵3/5/14號線去到布吉站,再步行10分鐘 (地址於文尾)。呢間有幾間分店,除咗是次到訪嘅布吉分店,係八卦岭同蛇口都有,大家可以上「大眾點評」APP睇吓,文尾都有分店地址。
如果係羅湖出發,最近嘅分店係八卦岭,其次係布吉,下圖附上羅湖站去布吉站嘅地鐵轉車資訊﹕
![羅湖站去布吉站](https://sumiutravel.com/wp-content/uploads/2024/05/羅湖站去布吉站.jpeg)
食記
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵01.jpg)
麵質好有口感,似日式拉麵~
豬潤加京蔥好香口,好好食~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵04.jpg)
紫菜蝦皮湯免費任飲!紫菜同蝦皮都可以按自己想要嘅份量添加!
仲有酸蘿蔔同酸椰菜任食!可以開胃又可以解膩!
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵_紫菜蝦皮湯任飲.webp)
加 ¥2 可以任飲汽水,最欣賞佢有無糖百事可樂,碗麵高熱量,無糖飲料減輕些少負擔😆
另外有免費熱水同常溫水,非常友好~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵_自助飲料.webp)
任飲湯未夠,仲可以免費續麵,學國內同胞話齋,管飽!
食完呢餐可以成日唔駛食野~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵07.jpg)
筷子都特別有質感!夠長好揸~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵06.jpg)
環境乾淨~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵05.jpg)
最後附上消費記錄~
![華三爺干拌麵_爆炒豬潤拌麵](https://sumiutravel.com/wp-content/uploads/2024/05/華三爺干拌麵02.jpg)
餐廳名稱﹕華三爺干拌麵 (布吉店)
開放時間﹕09:30 – 23:00
地址﹕龍崗區布吉街道樂民路57號
交通﹕地鐵3/5/14號線布吉站,再步行10分鐘
餐廳名稱﹕華三爺干拌麵 (八卦岭店)
開放時間﹕09:30 – 22:30
地址﹕福田區八卦岭宿舍區24棟1樓
交通﹕地鐵9號線紅岭北站B出口步行340米
餐廳名稱﹕華三爺干拌麵 (蛇口南水路店)
開放時間﹕09:30 – 21:30
地址﹕南山區南水路 326-1 號
交通﹕地鐵2號線水灣站C出口步行90米
餐廳名稱﹕華三爺干拌麵 (正中時代店)
開放時間﹕10:00 – 21:00
地址﹕龍崗區龍城街道城龍花園底商
交通﹕地鐵16號線盛平站A出口步行770米