深圳南山區好去處｜荷蘭花卉小鎮仿如身在歐洲，免費景點打卡+買花好去處｜交通｜開放時間

深圳南山荷蘭花卉小鎮係個人氣免費打卡景點，有仿歐洲嘅建築、一條好長嘅花街、荷蘭風車、大草地，同時有啲寵物店同小餐館，係個賞花打卡好去處。

荷蘭花卉小鎮嘅交通方面，可以搭乘地鐵 12 號線到「南頭古城站」下車，再係 D 出口打車，車程約 10 分鐘，車費約 ¥10。或者，可於地鐵 1 號綫「大新站」下車，係 B 出口步行約 20 分鐘。

荷蘭花卉小鎮開放時間係星期一至日 08:30 – 21:00，建議可以係度玩半日再係南山呢邊食個晚飯。當日森淼南山一日遊，去完荷蘭花卉小鎮之後，係附近網紅火鍋店「長安亭院重慶火鍋」食晚飯，行程好充實美滿~

▼打車直接到門口，好方便，落車就見到門口有個荷蘭風車~

▼穿過門口，係一條好長嘅歐式花街，兩邊都有花店、小食店、咖啡店同寵物店~

▼有幾間花店專賣多肉植物，¥10任揀5盆，可惜多肉植物同蘭花係唔可以帶返香港……

▼五顏六色，賞心悅目~

▼乾花可以帶返香港，呢個 ¥45 乾花竹籃真係好靚！另有乾花 ¥15/ 束~

▼富貴竹 ¥20、驅蚊木 ¥28、風鈴花籃 ¥35

▼六月雪 ¥20、雲竹 ¥25、赤楠 ¥28、小松 ¥25、麵包樹 ¥38

▼行完一段街道，中間有個鐘樓同噴泉，行到呢度覺得成個荷蘭花卉小鎮嘅裝飾係仿迪士尼。點解咁講？因為之後見到嘅街燈同廁所設計，同迪士尼好似，仲有間餐廳放咗個米奇像係門口~

▼荷蘭花卉小鎮嘅廁所係咪同迪士尼好似呢~

▼連路上指示牌、街燈同湖邊涼亭都同迪士尼好似~

▼湖嘅隔離就係荷蘭花卉小鎮必打卡嘅荷蘭風車、大草地，有人係草地度野餐~

▼荷蘭風車前面有片小花海可以打卡~

▼湖邊有鴨鴨~

▼湖邊仲有貓貓~

▼經過荷蘭風車之後係寵物店集中地，有貓、狗、倉鼠、雀仔、觀賞魚同爬蟲~

▼觀賞魚店，睇魚都幾舒壓~

▼仲有蛇、蜘蛛、蜥蝪等等可以睇，好似去咗爬蟲館咁~

▼呢間兩隻貓咖啡館有啲簡餐食，例如炒烏冬、牛柳意粉等等，仲有小食、奶茶、咖啡、沙冰~

▼呢間米奇餐廳都係有啲簡餐、小食、奶茶、咖啡、果茶~

▼主街一路都有得食，例如窩夫同意粉，但得 2 – 3 張枱~

▼甜品有芋圓、雪糕~

▼主街

▼荷蘭花卉小鎮停車場收費

荷蘭花卉小鎮停車場收費