深圳好去處｜青青世界值唔值得去？｜遊記｜親子遊｜交通｜開放時間｜門票

某個星期六，森淼去咗青青世界，雖然網上對青青世界嘅評價好壞參半，但森淼始終想實地考察一下呢個深圳城市中嘅熱帶雨林，睇吓係咪真係一個「伏」。

到底青青世界值唔值得去丫？網上有啲差評喎？

個人就覺得值得，係幾有特色，最鍾意係侏羅紀公園同蝴蝶園，係侏羅紀公園裡面真係好似行緊熱帶雨林咁，有人工降雨，配合埋自然陽光，會見到天然彩虹！而蝴蝶園裡面真係好多蝴蝶飛來飛去，超近距離接觸，好靚！淨係呢兩個點都值$84門票入去參觀吓。另外仲有亞馬遜河魚類展同萌寵樂園等，幾適合週末度假，帶小朋友嚟親親大自然。

▌青青世界

▌開放時間：星期一至日 08:30 – 17:30 (17:00 停止入場)

▌地鐵：5 號線荔灣站 B 出口步行 16 分鐘

▌地址：深圳南山區南山街道荔灣社區月亮灣青青路1號 【地圖】

▌門票：HK$ 86【可透過 Klook 購買】

不過，青青世界唔近地鐵站，建議滴滴打車前往。(唔好坐的士，青青世界門口可能會塞車，跳錶可能好貴)

🚇地鐵﹕5 號線荔灣站 B 出口步行 16 分鐘

🚌巴士﹕369 直達青青世界景區門口 (首選)，其他巴士落車仲要行上山先到！

• 地鐵1號線「桃源」站 C 出口，於「南山醫院東」乘坐369公交，約10分鐘車程可到青青世界。
• 地鐵11號線「南山」站 A 出口，於「南山公安局」乘坐369公交，約8分鐘車程可到青青世界。

▼ 青青世界都幾大，可以由早玩到下午，玩足一日！去到園內最入面嘅生態長廊其實要上山，上到去仲有排行，可能會行到腳痛。

▼ 如果怕玩完青青世界隻腳太攰，想第二日先返香港，建議可以住青青世界酒店或海上世界附近嘅酒店。而青青世界酒店入住會送入住人數同等的青青世界門票，房價港幣$452起，其實幾抵~

▼ 行完熱帶雨林之後，穿過呢道樹門就踏入咗侏羅紀公園啦！喺侏羅紀公園入面沿路有好多恐龍，有啲打緊架，有啲生緊蛋，加上會人工降雨，比啲想像力真係似行緊侏羅紀雨林。😆

▼ 行到一半有職員派遮，原來人工降雨有分時段，節假日 09:30 – 17:00；非節假日 10:00 – 12:00/ 13:30 – 16:00。

▼ 喺吊橋上可以影到幾靚嘅相！

▼ 微雨配合自然陽光，睇到🌈天然彩虹！第一次咁近見到彩虹，觸手可及！

▼ 從侏羅紀公園出來後會看見吊橋。

▼ 熱帶雨林入面有人工霧，好似仙境，呢度可以睇到熱帶雨林嘅動物，例如超大條巨骨舌魚、雀鳥同爬行類動物。

▼ 林中有個大鳥籠，不過唔太吸引。

▼ 呢個係爬行動物館，設計好似洞穴咁。

▼ 萌寵樂園有小牛、山羊、兔仔、松鼠、雞，可以餵嘅，飼料都係 ¥10 一份。

▼ 雞係放養的。

▼ 松鼠有管道可以爬上樹。

▼ 鯉魚池對面小食亭可以買魚糧餵魚 (¥5)。

▼ 蝴蝶園入面好多蝴蝶漫天飛舞！入面嘅花色彩繽紛好靚！

▼ 花叢中間有高架碟放水果，可以近距離睇蝴蝶進食。

▼ 數下呢度有幾多隻蝴蝶？😆呢堆花叢都有幾十隻。

▼ 粉紅沙池免費玩。

▼ 彩虹滑道 ¥15 一次，門票唔包。

▼ 陶藝館另外付費，門票唔包。

▼ 科學狂想秀/ 白雪公主劇場演出時間係﹕星期一至五 11:10 – 12:10/ 15:00 – 16:00；星期六、日 11:10 – 12:10/ 14:00 – 15:00/ 16:00 – 17:00。

▼ 青青世界門口入咗閘就見到釣魚池，釣魚係收費嘅，同時仲有水上滾筒玩。

▼ 青青世界最入係生態長廊，要行上山，入生態長廊之前有個觀景台。

▼ 高瞰城市中的一大片雨林。

▼ 生態長廊貼滿動物科普知識。

▼ 下圖係青青世界酒店泳池，憑當日門票有8折，不過應該好少人行行下走去游水。

成人票¥50/張，兒童票¥30/張 (身高1.5米以下)，開放時間係星期一至五 14:00 – 21:30；星期六、日 12:00 – 21:30。

▼ 戲水池近園區入口，免費玩。

▼ 戲水池對面有泡腳小池，免費。

▼ 園區入閘前有田園餐廳食普通中餐，園內亦有好多簡餐同小食，不過通常食飽飽先入去玩。

青青世界停車場唔大，得少量車位，如果無位停可能要沿上山路搵位停。