深圳好去處｜大芬油畫村攻略｜自製油畫¥20起！來個藝術一日遊！

大芬油畫村係一個可以係深圳玩一日既好去處，可以自製油畫🎨同陶器🍵，價格只係人民幣20起！而且交通便利，🚇地鐵大芬站A1出口步行5分鐘就去到 (出口落扶手梯直行，經過商場星都里，過埋沃爾瑪Walmart，左手邊就會見到大芬油畫村入口)~

大芬油畫村隔離有個親子型商場「星都里」，露天廣場有小火車🚂、自駕玩具車🛺等等，商場入面又有好多品牌餐廳🥗、飲品店🧋、洗臉店💆🏻‍♀️，例如霸王茶姬、瀘溪河同曉文客家本色，而且仲有戲院🎬，商場地下有個恐龍主題玩沙池🏖️。商場隔離有沃爾瑪Walmart🏪，附近也有好多地道餐飲小店。

搵日放假同朋友/伴侶/小朋友嚟個藝術一日遊都唔錯，幾值得去！下面比大家睇下森淼畫既油畫😂

▌大芬油畫村

▌開放時間：10:00 – 22:00

▌地址：深圳市龙岗区布吉镇大芬村【地圖】

去大芬油畫村意在體驗一下自己畫油畫同整陶器，同伴侶/朋友一齊玩，陶冶性情，都幾開心幾浪漫。不過實地體驗過之後，要注意以下幾點﹕

1. 因為係露天，坐係小巷畫畫，所以夏天太陽猛烈既時候會好曬同埋好熱，而且有蚊，建議大家黃昏先去，著薄長袖衫同長褲。森淼係黃昏去既，有清風，所以唔覺熱~
2. 畫畫價格人民幣20起，畫布分大中小，¥20(小)/¥30(中)/¥50(大)，可參考圖(一)。畫框另計，¥10-15。
3. 雖然話專人指導點畫畫，但係唔會企係隔離全程指導，要自己主動問，下面遊記部份會詳細講吓我哋畫既過程👩🏻‍🎨~
4. 油畫同陶藝體驗開放時間13:00-22:00，老闆娘話星期六日多人可能會早啲開，又話佢哋自己畫畫會畫到凌晨1-2點~
5. 大芬油畫村隔離有霸王茶姬，村內有cafe，可以買杯咖啡/手搖飲，一邊畫一邊飲~

去大芬油畫村意在體驗一下自己畫油畫同整陶器，同伴侶/朋友一齊玩，陶冶性情，都幾開心幾浪漫。不過實地體驗過之後，要注意以下幾點﹕

1. 因為係露天，坐係小巷畫畫，所以夏天太陽猛烈既時候會好曬同埋好熱，而且有蚊，建議大家黃昏先去，著薄長袖衫同長褲。森淼係黃昏去既，有清風，所以唔覺熱~
2. 畫畫價格人民幣20起，畫布分大中小，¥20(小)/¥30(中)/¥50(大)，可參考圖(一)。畫框另計，¥10-15。
3. 雖然話專人指導點畫畫，但係唔會企係隔離全程指導，要自己主動問，下面遊記部份會詳細講吓我哋畫既過程👩🏻‍🎨~
4. 油畫同陶藝體驗開放時間13:00-22:00，老闆娘話星期六日多人可能會早啲開，又話佢哋自己畫畫會畫到凌晨1-2點~
5. 大芬油畫村隔離有霸王茶姬，村內有cafe，可以買杯咖啡/手搖飲，一邊畫一邊飲~

▼ 一路行入去會見到好幾間油畫/陶藝體驗嘅舖頭，沿途亦都有大量賣畫賣畫筆嘅店舖~

▼ 坐低之後，老闆比咗本畫薄我哋，叫我哋揀一幅最鍾意嘅照住嚟畫。下圖只係影咗部份樣板，實地有超多畫可以揀！

▼ 揀完之後，老闆比咗支鉛筆同擦膠，叫我哋素描幅畫大概輪廓出嚟😂 呢個位有啲愕然，因為以為老闆會口頭教吓點起筆，點知係要自己畫咗先😂

▼ 素描完大聲叫老闆，然後比咗顏色我哋，略略教咗少少咩位用咩色，點調色，但技巧就要自己問先會講，例如點上漸變色，我哋主動問完，老闆行埋嚟示範點做~

▼ 畫咗1.5個鐘，下圖就係我哋嘅作品啦！我哋兩個人畫一幅，輪流畫。可以見到我哋無跟足樣板，自己發揮小宇宙改咗少少🤣畫布¥30、畫框¥15，兩個人共消費¥45就有幅獨一無二嘅油畫了~

▼ 我哋畫完都天黑了，見到有人玩緊陶藝，如果玩陶藝可能要早啲，因為陶器要時間風乾，老闆娘話可以郵遞拎返作品~

▼ 下圖呢間好似平啲，但係無人~

▼ 臨走可以買畫，最平¥25/幅~

▼ 下圖呢 3 幅仿名畫，¥100/幅~

▼ 見到呢 3 幅香港畫，畫得幾靚！問咗價 ¥350 – 650到~

▼ 離開咗之後我哋就去咗隔離行Walmart超市，咁就完咗藝術半日遊啦！

▼ 布吉其實還有很多好去處，例如文谷、文博宮、布吉夜市等等，而且布吉的酒店都很便宜，不妨試試玩布吉兩日一夜！